Kismaayo, (insadesomalia.org)- Masuuliyiinta Jaamcada Magaalada Kismaayo ayaa shaaca kaqaadey in Jaamacada juba ee magaalada kismaayo ay qabsadeen maleeshiyo Beeleedyo kuhubeysan gaadiidka tiknikada looyaqaano.

Masuuliyiin ka tirsan Jaamacada Juba ee Magalada Kismaayo ayaa walaac xoogan ka muujiyay heeysashada Jaamacadasi ee Maleeshiyaadka ay haystaan, waxaana ay Maamulka Magaaladasi gacanta ku haya ka dalbadeen in ay wax ka qabtaan Maleeshiyadasi gudaha u galay Jaamacada, isla markaana la wareegay gacan ku heeynta Jaamacadaasi.

Lama oga sababt dhabta ah ee kadanbeysa qabsadha jaamacadan ay qabsadeen Maleeshiyada.

Max’ed Axmed Warsame oo ka mid ah Masuuliyiinta Jaamcada Juba ee Magaalada Kismaayo ayaa sheegay in ay la bexeen qaar ka mid ah qalabkii jaamacadasi ay ku howlgaleeysay.

Arintani ayaa waxaa ay saameeyn weeyn ku yeelatay dhamaan Goobaha wax barashada ee Magaalada Kismaayo, waxaana meel cidlo ah taagan Ardaydii wax ka baraneeysay Jaamacadasi Juba ee ay la wareegeen kooxaha Hubeeysan.

Weli wax war ah oo arintaasi ku aadan kama soo bixin Maamulka Gacanta ku haya Magaalada Kismaayo oo ku aadan la wareegida jaamcadasi ee Kooxaha Maleeshiyaadkasi ah.

Waa markii labaad ee ay koox dableey hubeeysan ay la waregaan Jaamacadaasi dhawaan ayeey aheeyd Jaamacada Kismaayo ay la waregeen Maleeshiyo hubeeysan waloow markii danbe laga wareejiyay.