Diinsoor,(insidesomalia.org)-Xili ay sii kordhayeen ammaan darida ka jirtay Gobolka Bay gaar ahaan agagaarka Degmada Diinsoor ayaa waxa howlagalo ammaanka lagu xaqiijinayo ka fuliyay Degmadaasi xoogaga Al Shabaab, kuwaasi oo ku soo qabqabtay dad gaaraya illaa 4 ruux oo jidgooyo ay u taalay wadada dheer ee isku xita Degmooyinka Diinsoor iyo Qansax Dheere ee Gobolka Bay.

Sida ay sheegayaan dadka ku nool Degmada Diinsoor 4-ta qof ee ay xoogaga Al shabaab soo qabteen ayaa waxaa la dhigay xabsiga Degmada oo ay gancata ku hayaan Xoogaga Al shabaab.

Howlagalkani ayaa waxaa uu ku soo aadayaa xili inta badan Gobolka Bay ay gacanta ku hayaan xoogaga Al shabaab, isla markaana ay ka bilaabeen howlgalo ammaanka lagu xaqiijinayo.

Dadka ku nool Gobolka Bay gaar ahaan Degmooyinka Diinsoor iyo Qansax dheere ayaa si weyn u soo dhaweeyay howlgalkani ammaanka lagu sugayo ee ay xoogaga Al shabaab ay bilaabeen, waxana sheegen in talaabadasi ay soo afmeeri karto dhibaato ay ku qabeen kooxo burcad ah oo wadooyinka u gala dadka Shacabka ah eek u safraya wadooyinka