Tripoli, (insidesomalia.org) - Tahriibayaal Soomaali ah ayaa ku geeriyooday Saxaraha weyn ee u dhaxeeya wadamada liibiya iyo Suudaan.

Dadkaan Soomaalida ah ee ku geeriyooday Saxaraha weyn ee u dhaxeeya liibiya iyo Suudaan ayaa la sheegayaa in ay ka yimaadeen Magaalada Muqdisho iyo Magaalada Nairoobi ee xarunta wadanka kenya, kuwaasi oo doonaya in ay gaarayaan dalka liibiya kadibna ay uga sii gudbaan wadamada rer Yurub.

Muhaajiriintaan Soomaalida ah ayaa u geeriyooday gaajo iyo haraad dartiis ka dib markii safar loogu tala galay 5 maalin uu ku qaatay mudo bil ah taasoo ugu wacneeyd cilad farsamo oo ku timid gaarigii ay saarnaayeen.

Cali Maxamed Xuseen Cali Ganey oo waraiyaha lahadley ayaa waxaa uu sheegay in gariga ay ka soo raaceen dalka Suudaan islamarkaana gaariga ay saarnaayeen 30 Ruux, waxana geeriyooday ilaa 15 Ruux oo ka mid ah dadka tahriibayaasha ah.

Sidoo kale Cali Ganey ayaa intaasi ku dareen in Ciidamada ilaalada xuduudaha dalka liibiya ay dadkasi soo qaadeen iyagoo naf la caari ah,waxaana dadkaan la dhigay Isbitaal ku yaala Magaalada kukta ee dhacda xadka u dhaxeeya liibiya iyo Suudaan, islamarkaana xaalada dadkan ay ka soo reyneyso.

Maha markii ugu horeysay oo saxaraha liibiya iyo Suudaan ay ku dhintaan tahriibaiyaal Soomaali ah, iyadoo sanadkii 2001 ay ku dhinteen Saxarahaasi dad gaaraya 50 Ruux oo u badnaa Soomaali.