Afgooye,(insidesomalia.org)- Wararka naga soo gaaraya Degmada Afgooye ee Gobolka Shabeelaha Hoose ayaa waxay sheegayaan in ay saaka halkaas ka soo gudbeen Gaadiid badan oo darbaallo ay ku shiraacan yihiin, kuwaasi oo ay galbinayeen Ciidamo Itoobiyaan ah oo aad u hubeysan.

Dad ku sugan Degmada Afgooye iyo Deegaanka Lafoole oo gaadiidkan arkay ayaa waxay sheegeen in ay ahaayeen kuwii ugu badnaa oo ay arkaan tan iyo intii ay Ciidamada Itoobiyaanka saadka soo marsiisanayeen Wadadaas, waxayna intaas ku dareen in ay ula muuqdeen waxa ay gaadiidkaas wadeen saanad mileteri oo u socota Ciidamada Itoobiyaanka ah ee ku sugan Magaalada Muqdisho.

Intii ay gudubsanayeen saanaddaas Mileteri ayay Ciidamada Itoobiyaanka hakad geliyeeen isu socodkii dadka iyo Gaadiidka ee Wadada isku xirta Magaalooyinka Muqdisho iyo Afgooye, taasi oo haatan ay si weyn u isticmaalaan Dad badan oo ka barakacay Magaalada Muqdisho.

Ciidamada Itoobiyaanka oo muddo sanad ka badan ku sugan Magaalada Muqdisho ee Caasimadda u ah Dalka Soomaaliya ayaa waxay mudadaas sanadka ka badan ay dagaallo kula jiraan Xoogag ka amar qaata Maxkamadaha Islaamka, kuwaasi oo ay maalmihii ugu dambeeyay ku dagaalamayeen xaafado ka tirsan Degmooyinka Huriwaa iyo Yaaqshiid ee Gobolka Banaadir.

Si kastaba arrintu ha ahaatee, Saanadda Mileteri ee la sheegayo in ay u timid Ciidamada Itoobiyaanka ayaa waxay muujineysaa sida aaney Ciidamada Itoobiyaanka ugu soo dhaweyn in ay ka baxaan Dalka Soomaaliya, waxayna taasi wel wel hor leh ku sii abuureysaa dadka ku dhaqan Soomaaliya, gaar ahaan Caasimadda Muqdisho oo haatan qaati ka jooga dagaallada ay dushooda isku weydaarsadaan Ciidamada Itoobiya iyo Xoogagga ka soo horjeeda.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment