Muqdisho, (insidesomalia.org)- Burcad Badeed Soomaaliyed ayaa la sheegayaa in ay afduubtteen Markab laga leeyahay Wadanka Holland, kaasi oo la sheegay in uu marayey Xeebaha Wadanka Soomaaliya

Maarkabkaani ayaa waxa uu ku sii jeeday Dekada Magaalada Constanza ee Wadanka Romania,waxaana xaqiijiyay in la afduubtey Milkiilaha Markabkaasi oo u dhasahay Wadanka Holland iyo nin ka tirsan Kooxda Bad Mareenada Caalamiga oo isna u dhashay Wadanka Kenya.

Markabkaani oo ninka is kaleh lagu Magacaabo Raider ayaa waxa uu tilmamay in Markabkaasi lagu Afduubtay Xeebaha Gacanka Cadmeed gaar ahaan Xeebaha Soomaaliya.

Shaqaalaha Markabkaan saarnaa ayaa waxaa ay ka koobnaayeen 4 u dhashay wadanka Russia iyo 5 u dhashay wadanka Filipin,waxaana dhamaan qaraabada dadkaasi lagu wargaliyay in dadkaasi iyo Markabkii ay saarnaayeen guud ahaantood la waayay.

Milkiilaha Markabkaani ayaa aaxa uu walaac ka muujiyay afduubka Markabkaasi, isagoo sheegay in muhiimada koobaad ay tahay Bad baadinta nolosha dadka Markabkaasi saarnaa.

Markabkaan la sheegay in lagu afduubtay Xeebaha Wadanka Soomaaliya ayaa waxaa lagu Magacaabaa MV Amiya Scan, wuxuuna seday shixnad uu ka soo qaaday Dekad ku taala Wadanka Kenya gaar ahaan Magaalada Mombassa.

Kooxda Badaha Caalamiga ninka Caawiyaha u ah ee u dhashay Wadanka Kenya oo lagu magacaabo Mwangura ayaa waxa uu sheegay in Markabkaani xiriirkiisa la waayay 19 Bishan May, kaasi oo markaasi marayey Xeebaha Soomaaliya.

Jimcihii la soo dhaafay ayaa Burcad Badeed Soomaali ah waxaa ay sii daayeen Markab u rarnaa Ganacsato Soomaaliyeed oo laga lahaa Wadanka Urdun, Kaasi oo laga afduubtay Xeebaha Wadanka Soomaaliya.