|
Mogadishu,(insidesomalia.org) Wasaaradda Arrimaha dibedda ee Dalka Faransiiska ayaa qirtay afduubka kooxo Burcad badeed ay ugu geysteen Xeebta Wadanka Soomaaliya Markab nooca lagu tamashleeya ah oo laga leeyahay Dalkaasi Faransiiska.
Hadal ay soo saartay Wasaaradda Arrimaha dibedda ee Dalka Faransiiska ayay ku sheegtay in uu jiro qafaalka lagula kacay Markabka Faransiiska, waxayna Wasaaradda sheegtay in falkaasi uu yahay wax laga xumaado.
Markabkan ayaa magaciisa waxaa lagu sheegay “Ponant” waxaana lagu qafaashay Badda u dhaxeysa Yemen iyo Soomaaliya.
Waxaa Markabka saran Shaqaale gaaraya 30 ruux, balse xilliga afduubka ma saarneen wax dalxiisayaal ah ama rakaab, waa sida uu u faahfaahiyay Hadalka Christophe Prazuck oo ah afhayeenka goor sii horreysay u hadlay Ciidamadda Dalka faransiiska.
Markabka ‘Ponant” ayaa noqonaya kii ugu horreeyay ee ah Maraakiibta lagudalxiiso ee ay afduubtaan kooxaha Burcad badeed ah ee dhibka ku haya Xeebaha Dalka Soomaaliya, iyada oo goor sii horreysay uu si darqi ah uu kaga baxsaday Burcad badeeda Marka ay saarnaayeen dalxiisayaal faransiis ah.
Hase yeeshee waxaa jira Maraakiib isugu jirta Ganacsiga, samofal iyo kalluumeysiga oo kooxahan ka qawleysatay Xeebaha Soomaaliya ay dhowr jeer ku af duubteen Xeebaha Dalka, taasi oo ka dhigtay Soomaaliya Xeebaha ugu khatarsan caalamka.
 |
Subscribe to this comment's feed