Puntland,(insidesomalia.org)-Wararka naga soo gaaraya Xeebaha Dalka Soomaaliya ayaa sheegaya in koox dabley ah oo Soomaaliya ay mar kale qafaasheen Doon kuwa Xamuulka ah oo laga leeyahay Dalka Spain,ka dib markii usoo galay sida uu sheegay Wasiirka arrimaha dibadda ee dalka Spian saacadu markii ay ahayd 01:00Pm ee duhurnimadii Axadda.

Wasiirku wuxuu sheegay in Doontaan ay la socdeen Shaqaale gaaraya ilaa 26 ruux oo isugu jira Spanish iyo African,dhamaantoodna wuxuu sheegay inay nabad qabaan oo ay saran yihiin Doonta la haysto.

Wali ma cadda goobta lagu afduubay Doontaan,lamana garanayo cidda afduubtay iyo qorshahooda,waxaase jira kooxo ka caadaystay qafaalashada Maraakiibta iyo doonyaha soo gala Xeebaha Soomaaliya.

Dhinaca kale ma cadda Qorshaha Doonta Spanish-ku ay kasoo doontay Xeebahan ay qowlaysatadu dagan tahay ee xataa Hay’adaha Gargaarka iyo aduunyaduba ka qayliyeay ka waasheen.

Dhawaan ayey ahayd markii koox dabley ah oo Somali ahi ay qafaasheen Markab dalka Fransiiska laga leeyahay,taasi oo sababtay ugu danbayn in la qafaasho lix ka mid dadkii afduubka u gaystay Markabka,iyagoo haatan ku xiran dalka Fransiiska.

Kooxaha Ku shaqaysta Qalfaalashada doonyaha iyo Maraakiibta ayaa iyagu inta badan ka qaata lacago madax furasho ah,kuwaas oo inta badan baqdin galiya Maraakiibta iyo Doonyaha iyaguna Jariifka ka wada Xeebaha Baylahda ah ee Soomaaliya.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment