Muqdisho, (insidesomalia.org)-Dowladda Urdun ayaa Xaqiijisay in Markab laga leeyahay Dalkeeda lagu afduubtay Xeebaha Wadanka Soomaaliya.

Kooxo burcad badeed Soomaali ah ayaa waxa ay weerar ku qaadeen Markab laga leeyahay Wadanka Urdun, iyagoo ku Afduubtay Xeebaha Wadanka Soomaaliya sida ay cadeeyeen qaar ka mid ah Hay’adaha Badmareenada Caalamka

Anrew Mwangura oo ka mid ah Saraakiisha Hay’adaha badaha caalamka ayaa waxa uu sheegay in weerarkaasi uu ka dhacay xeebaha soomaaliya, isalamarkaana uu san ka bixin wax faah faahin dheeraad ah iyo tirada Shaqaalihii saarnaa Markabkaasi.

Shaqaalihii Saarnaa Markabkaasi ayaa waxaa ay u kala dhasheen Wadamada Kenya Tanzania iyo Qaar kale oo ka socda qaarada Asia .

Kooxaha burcad badeeda Soomaalida ah ayaa markabkaan waxa ay ka afduubteen Xeebaha Wadanka Soomaaliya, gaar ahaan meel u dhaw Dekada Muqdisho, islamarkaana ay ula dhaqaaqeen waqooyiga ayuu yiri Anrew Mwangura

Waa markii labaad oo Xeebaha Soomaaliya lagu Afduubto tan iyo markii Ciidamada Farasiinka ay xoog uga furteen Markab dalxiis oo laga lahaa Dalka Faransiiska.

Saraakiisha Wadanka Urudun ayaa waxa ay Sheegeen in ay wayeen Xiriirkii ay la lahaayeen Markabkaani oo mararayay afafka hore ee Xeebaha Wadanka Soomaaliya sida ay Wakaalada Wararka ee Urdun oo lagu magacaabo Badra la soo xigtey.