|
Puntland, (insidesomalia.org) - Kooxda burcad badeeda ah ee afduubka u haysata Markab kaluumaysi iyo shaqaalihiisa oo laga leeyahay Dalka Spain ayaa waxay dalbadeen lacag madaxfurasho ah oo gaaraysa boqolaal kun oo doolar.
War ka soo baxay wasaarada arimaha dibada ee Dalka Spain ayaa waxaa lagu sheegay in burcad badeeda Soomaalida ah ay dalbadeen in la siiyo lacag gaaraysa 400 kun oo ah lacagta Euro-ga, taasi oo ay ku xireen siideynta Markanka iyo dadka saaran oo ka kooban 26 qof, oo 13 ka mid ah ay u dhasheen Dalka Spain.
Doonida Playa De Bakio ayaa waxaa laga qafaashay xeebaha Soomaaliya, waxaana warku intaasi ku darayaa in kooxaha burcad badeeda wadahadal ay aqbaleen, iyagoo u ogolaadey la haystayaasha in ay la hadlaan qoysaskooda.
La haystayaasha ayaa waxay sheegeen in ay bad qabaan oo ay kooxaha burcad badeeda ah ay si wanaagsan ula dhaqmaan.
Angelines Mariño, oo ah afada Captain-ka Doonida oo lagu magacaabo Amadeo Álvarez, ayaa u sheegtey saxaafada in ninkeedu uu kula soo xiriiray khadka Teelfoonka, isla markaana uu sheegay in ay bad qabaan oo ay kooxaha haysta ay si wanaagsan ula dhaqmaan ayna u ogolaadeen waxyaabo aasaasi ah..
Wadahadalada ku aadan in lagu siidaayo la haystayaasha iyo doonida ay saaran yihiin ayaa waxaa la sheegay in ay marayaan meel wanaagsan.
dhanka kale wasiirka arimaha dibada ee Dalkaasi Spain Miguel Ángel Moratinos, ayaa shegay in markabkii dagaal ee ay u direen xeebaha Soomaaliya uu gaaray halka lagu haysto doonida iyo shaqaalaha saaran, waxaa kale oo uu sheegay in ay sidoo kale direen Diyaarad nooca wax basaasta ah oo ilaalo kahaysa markabka iyo Shaqalahan saran.
 |
Subscribe to this comment's feed