|
Muqdisho (insidesomalia.org)- Ururka Suxufiyiinta aan xuduuda leheeyn ayaa kadalbadey Dowladda KMG Soomaaliya in la sii daayo wariyayaasha ku xiran Xabsiyada Magaalada Muqdisho.
Ururkan oo marka Magaciisa lasoo gaabiyo loo yaqaano RSF ayaa ku baqay in la sii daayo Wariye Cabdi Raxmaan Max'ed Xasan (Xudeeyfi) oo ahaa Agasimihii Idaacadda Somaliweyn iyo Wariye Bashiir Cabdi Qaadir Max'ed (Al-bashiir) oo isna ka howlgali jirey Idaacadaasi Somaaliweyn.
Wariyaashan ayaa Sedax beri kahor waxaa Ciidamada Nabada sugida Dowladda Fadaraalka KMG Soomaaliya kakexesteen Xarunta Idaacada, kadibna ladhigey Xabsiga Dhexe ee Magaalada Muqdisho.
"Dowalda soomaliya waxaanu ka codsaneeynaa in Xabsiga ay ka sii deeyso wariyayaashaasi isla markaana ay wax ka badasho hanaanka ay ula dhaqanto Saxafiyiinta iyo Warbaahinta Madaxa banaan ee ka howlgasha Dalka Soomaliya ayaa lagu yiri" Warsaxaafadeed uu soo saarey Ururka RSf oo fadigiisu yahay Caasimada Dalka Faransiiska ee Baris.
Sidoo kale waxaa ay ugu baaqeen kooxaha kale ee ku jira loolanka Siyaasdeed ee Dalka Soomaliya in ay xag dhowraan Wariyaasha Soomalida iyo kuwa Ajaanibta ah ee imaanaya Dalka Soomaliya.
RSF ayaa Waxaay ka dalbatey Dowladda Soomaliya in ay sharaxdo sababta ay u xirtay Saxafiyiintaasi iyo in ay ilaaliso Xoriyatul qoowlka.
Xariga ka dhanka ah Saxafiyinta Soomaliya ayaa waxaa uu noqday mid soo batay tan iyo markii ay Xukuumada Soomaliya soo gaartay Muqdisho lana wereegtey Maamulka Magaalada Caasimada ah ee Mugdisho .
 |
Subscribe to this comment's feed