Muqdisho, (insidesomalia.org) - Agaasimaha Idaacadda Somaliweyn C/raxmaan Xasan Xudeyfi ayaa inoo xaqiijiyay xeritaanka Idaacadda Somaliweyn kadib markii amar lagu xerayo Idaacada  uu ka soo baxay Maamulka Gobolka Banaadir.

Idaacada ayaa mar qura hawada ka baxday , kadib markii qadka isgaarsiinta xiriir lagula soo sameeyay Agaasimaha Idaacadda Somaliweyn, iyadoo lagu amray in uu damiyo Idaacadda ilaa iyo amar danbe, waxayna shaqaalihii Idaacadda ay u hoggaansameen amarka ka soo baxay Maamulka sare ee Gobolka Banaadir.

C/raxmaan Xudeyfi ayaa sheegay inuusan garaneyn sababta keentay in laxiro Idaacada, Idaacadda iyadoo looga yeeray xarunta Gobolka Banaadir si loogu sheego sababta loo xeray Idaacadda.

Maamulka Gobolka Banaadir oo dhawaan heshiisyo la galay Maamulayaasha warbaahinta, kaasoo dhigayey in aan la wareysan kooxaha mucaaradka ah ee ku sugan gudaha iyo dibada, waxayna Idaacadda Somaliweyn habeen hore wareysi dheer la yeelatay Macallin Xaashi Maxamed oo ka tirsanaa Maxkamadihii Islaamiga, kadibna ku biiray Isbaheysigii Asmara isagoo Idaacadda Somaliweyn ka shaaciyay inuu ka baxay Isbaheysigaasi kuna biiray Ururka Al-Shabaab ee ka dagaalama Magaalada Mugdisho uuna halkiisa ka sii wadi doono dagaalka uu kula jiro ciidamada Itoobiya iyo kuwa Dowladda Federaalka KMG Soomaaliya.

Waxyaabaha lagu eedeynayo ayaa la filayaa in arintaasi ay tahay inkastoo si cad loo sheegin waxyaabaha lagu heysto Idaacadda Soomaaliweyn.

Idaacadda Somaliweyn oo ka mid ah Idaacadaha Gaarka loo leeyahay oo  Maxaliga ah ee ka howlgala Magaalada Muqdisho ayaa mudadii ay jirtay oo sanad ah, waxay dadaal weyn u gashay sidii ay u heli laheyd taageerayaal fara badan oo gudaha iyo dibada, waxayna iminka xafiiltan kala dhaxeysaa idaacadaha kale ee ka horeeyay.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment