Bil Ciile,(insidesomalia.org)-Labo qor ayaa geeriyootay kadib markii ay ku dhaceen meel ay biyo ka dhaansanayeen oo ku taala Tuulada Bil Cille ee dhulka ismaamulka Soomaalida Itoobiya.

Geerida dadkaan ayaa timid xili ay doonayeen in biyo ka cabaan baraag ku taala tuulo lagu magacaabo Bili cili oo 60 KM kaga toosan dhinaca galbeed degmada Cadubwaaq ee gobolka Galgaduud.

Tuulada Bil cille ayaa waxaa ay ku taala dhulka ismaamulka Soomaalida ee Itoobiya, waxaana dadka ku geeriyooday ay ahaayeen wiil iyo aabihiis kuwaasi oo biyo ka dhaasansanayay Baraag biyaha lagu kaydiyo oo dadka deegaankaasi ay biyaha ka cabaan.

Waxaa marka hore gudaha baraagta ku fakaday wiilka yar oo da’aadiisa lagu sheegay 20  jir balse wax yar kadib ayaa aabaha dhalay wiilkaas oo aan meesha ka fogayn waxaa uu damcey in uu soo bad baadiyo wiilkiisa taasi oo keentay in uu aabihii xitaa ka dabo xaroodo baraagta,waxaana la sheegay in labadaasi qof ee is dhalay ay doonayeen in ay afkooda ugu cabaan biyaha baraagta kuwaasi oo kamid ahaa dadka tuuladaasi.

Qaar ka mid ah Ehelada dadkaasi ayaa sheegay in baraagta ay dadkaasi ku dhaceen ay markeedii hore biyo sidaas ah ku jirin taasi oo keentay in wiilkaan iyo aabihiis oo haraad xun uu hayay ay sababtay in ay ku dhacaan gudaha Baraagtaas iyagoo biyo ka raadinaya.

Bartamaha isbuucaan ayaa waxaa horay ugu dhacay gabar 16 jir baraag  tuulada gal meegaag oo ku taala meel ku dhow degmada Caabudwaaq,waxaana la sheegay in gabadhaas ay ahayd qof haraad fara badan uu hayay.

Arintaan ayaa waxaa keenay biyo la’aan ka jirta tuulooyinka ka agdhow dhulka ismaamulka Soomaalida ee Itoobiya,waxaana ay biyo la’aantaasi sababtay in ay dad fara badan u geeriyoodaan halka dad kalena ay isku dileen biyo la’aan soo food saartay.