Muqdisho,(insidesomalia.org)- Dadka soo bara kacay ee ku nool Siligii hore ee Mareeykanka ayaa ka cabanaya dhibaatooyin nololeed iyo mid hooy la’aan oo soo wajahay xiligan.

In ka badan 700 oo Qooys oo ku nool 3 Kaam oo ku yaal Siligii hore ee Mareeykanka ayaa ka cabanaya dhibaatoyin dhanka nolosha ah oo la soo gudboonaaday xiligan, kuwaasi oo isugu jira nafaqo dari,hooy la’aan iyo caafimad dari.

Max’uud Axmed Raage oo ka mid ah odayaasha Kaamakaasi ayaa sheegay in dadkani ay yihiin kuwo markii horeba ahaa danyar oo ka soo bara kacay Xaafado ka mid ah Magaalada Muqdisho xiliyadii ay dagaalada xoogani ka socodeen Magaalada, isla markaana aaneey heeysan guryo ay roobka kaga gabaadaan.

Odaygaasi ayaa waxaa ay sheegeen in tan iyo markii ay degeen halkasi aysan heli wax gar gaar ah oo ay soo gaarsiiyeen Hay’adaha Samafalka, isagoo ka war bixinaya dhibaatooyinka ay qabaana waxay sheegeen in ay u daran tahay Bacaha Roobka laga galo, maadaama xiligan la gudo galay Xili Roobaadka, isla markaana ay ku nool yihiin aqalo ka sameeysan Cooshado, kuwaasi oo aan celi karin Roobabka iyo weliba Qoraxda.

Sidoo kale Maryan Axmed Xasan oo ka mid ah haweenka ku dhaqan Kaamkaasi ayaa iyana sheegtay in Roobkii xalay ka da’ay Magaalada Muqdisho uu dusheeda ku dhamaday maadaama aysan heeysan hooy ay ka galaan iyada iyo Caruuteeda.

Inta badan dadkii ka bara kacay Magalada Muqdisho ayaa qaarkood goobihii ay gaareen waxaa ku heeysta dhibaatooyin kala duwan oo aysan muuqan cid wax ka qabata marka laga reebo Hay’adan qaarkood oo dadkaasi gaarsiiya wax aan baahidooda dabooleynin.