|
Muqdisho (insidesomalia.org) - Ururka Al-Shabaab ayaa sheegay in uu soo dhaweynayo howlaha ay Hay'adaha Samafalka ugu gargaarayaan Dadka Soomaaliyeed, isla markaasana aysan wax dhibaato ah u geysaneynin
Sheekh Mukhtaar Roobow (Abuu Mansuur) oo Afhayeen u ah Ururka Al-Shabaab ayaa sheegay in ay soo dhaweynayaan Dadka wax u qabanaya shacabka Soomaaliyeed ee ku dhibaateysan gudaha Dalka Soomaaliya.
"Waxaan u sheegayaa hay'addaha gargaarka ee Gobolada Bay iyo Bakool jooga anaga waxaan la dagaalameynaa Ciidamada Itoobiya iyo kuwa la safan ee weerar kuma nihin ciddii umada wax u qabaneysa, haddii ay ajaaniib yihiin iyo haddii ay Soomaali yihiin intaba"ayuu yiri Mr Roobow.
Afhayeenka ayaa waxaa uu sheegay in aysan jirin wax kulan ah oo uu la yeeshay mas'uuliyiinta Hay'adda MSF-Belgium ee ka howlgasha Gobolka Bakool.
Waxaa uu hadalka Afhayeenka ku soo beegmayaa xili ay dhawaan Dowlada Federaalka KMG Soomaaliya ay ku amartay Hay'ada MSF-Belgium in ay isaga baxdo Dalka Soomaaliya, iyadoo taasina sabab uga dhigtay in mas'uuliyiinta Hay'adaas ay la kulmeen Shiikh Mukhtaar Roobow.
Dhanka kalena Shiikh Roobow waxaa uu sheegay in dagaal shalay ka dhacay Deegaanka Iidaale ee Gobolka Bay uu u dhaxeeyay Ciidamadiisa iyo Ciidamo u daacad ah Dowladda Soomaaliya, wuxuuna sheegay in ay dagaalkaasi ku itaal roonaadeen Ciidamadiisa.
Hadalkan Afhayeenka Ururka Al-Shabaab ayaa waa uu kusoo aadayaa xili la sheegayo in Ciidamo ka tirsan Maxkamadihii Islaamiga ahaa ay dhaqdhaqaaqyo ka wadaan deegaano dhowr ah oo ku yaala Koofurta iyo Bartamaha Soomaaliya.
Sheek Muqtaar Roobow oo ahaa teliye xigeenka Amriniga Golihii Maxaakiimta Ialaamka ayaa beriyahan danbe waxaa lasoo sheegayaa in uu howlgal Ciidan kawado qeybo kamid ah Gobalada Bay Iyo Bokool,halkaasi oo deegaan ahaan uu kasoo jeedo .
 |
Subscribe to this comment's feed
byyyyyyyyyy