Jowhar,(insidesomalia.org)- Faah faahin ayaa ka soo baxeysa Isgaarsiinta Magaalada Jowhar ee xarunta Gobolka Shabellaha Dhexe oo muddo saacado ah hawada ka maqneyd, kadib markii sida la sheegay amar lagu siiyay shirkadaha isgaarsiinta inay hawada ka saaraan.
Wararka ayaa sheegaya in sababaha Isgaarsiinta hawada looga saaray mudada dhowrka saacadood ay tahay muran soo kala dhex galay Saraakiisha Maxkamadaha iyo Maamulayaasha Shirkadaha isgaarsiinta Magaalada.
Sida ay noo xaqiijiyeen mid ka mid ah shaqaalaha shirkadaha isgaarsiinta ee ka howl gala Magaalada Jowhar, isla markaana codsaday inaan la magac dhabin ayaa sheegaya in muranka labada dhinac uu ku saabsanaa lacago lagu amray shirkadaha inay bixiyaan, taasoo ay ka dhaga adeegeen.
Ma jirto ilaa iyo hada war ka soo baxay Saraakiisha Maxkamadaha ee ku aadan sababaha ay hawada uga saareen qalabkii Isgaarsiinta, sidoo kale ma jirto hadal iyana ka soo baxay Maamulayaasha Afarta shirkadooda ee Isgaarsiinta.
Shirkadaha Isgaarsiinta ka howl gala Magaalada oo lagu kala magacaabo Hormuud, Nationlink, Telecom Soomaaliya iyo Somafone ayaa ah kuwa qeyb weyn ka qaatay adeega Bulshada ee dhanka isgaarsiinta, iyadoona shirkadahan qaarkood ay 10-sano jirsadeen inta ay ka howl galaan.
Ma ahan markii u horeysay ee sidan oo kale hawada looga saaro Shirkadaha Isgaarsiinta ee ka howl gala Magaalada Jowhar, waxaana xilligii uu jiray Maamulkii kali taliskii Maxamed Dheere Magaalada ay muddo dhowr maalmood hawada uga maqneyd lacago baad ah oo uu Maamulkiisii ku amray inay bixiyaan shirkadaha isgaarsiinta
Subscribe to this comment's feed