Kismaayo, (insidesomalia.org) - Markab laga leeyahay Dalka Ciraaq sidayna dhuxul ayaa waxaa uu dab xoogan ku qabsaday Deked Kismaayo ee Gobolka Jubada hoose.

Markabkani uu saaka Dabka qabsaday ee taagnaa Dekeda Kismaayo ayaa lagu magacaabaa Haniya oo laga Leeyahay  Dalka Ciraaq ayaa Waxaa Gubashadiisa loo Sababeeyay, kadib markii uu dab ka dhashay Dhuxul lagu rarayey markabkaasi.

qaar ka mida Shaqaalihii rarayey  dhuxusha ayaa waxaa ay sheegeen in dhuxul fara badan oo si deg deg ah looga keenay dhulka Miyiga ah ay keentay in dab uu ka dhasho markabka gudihiisa.

In ka badan 85 Kun oo jawaan oo dhuxul ah ayaa waxaa la tilmaamay in ay saaraayeen Markabka,markii uu Dabka ka kacayay, taasi oo dhamaanteed wada Gubatay.

Aadan Cali Saalax oo ka mid ah Ganacsatadada uu urarnaa markabka ayaa  sheegay in uusan  Garaneeyn waxa dhaliyay Dabka waxaana uu xusay in markabkaasi uu u rarnaa dhanka Wadamada Qaliijaka.

Mar wax laga weeydiiyay in daminta Markbka dabka ka holcayay ay ka qeeyb qaateen Masuuliyiinta Dekeda Kismaayo ayaa waxaa uu sheegay in marnaba ayan kala qeeyb qaadan waxaana uu xusay in Ganacsatada iyo Shaqaalaha oo kaliya ay iska kaashadeen daminta Markabkaasi.

Ma ahan markii ugu horeeysay ee Dekeda Kismaayo uu Markab Dab ku qabsado waxaana sidan oo kale Bartamihii Sanadii Tagtay uu Dab ku qabsaday Dooni Yar oo Iyadana lagu daabulayay Dhuxl, waxaana inta badan loo sababeeyaa gubashada Maraakiiba iyo Doomaha, Ganacsatada oo si deg deg ah Dhuxusha ugu rara ayada oo aan qaboobib.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment