Muqdisho, (insidesomalia.org) - Waxaa Xeebaha Dalka Yemen ku degay Markab waday 10 Kun Neef oo Ari iyo Geel ah oo uu ka qaatay Dalalka Soomaaliya iyo Jabuuti, kaasi oo Dalka Sacuudiga laga soo celiyay.

Xuseen Xaaji Axmed oo ka tirsan Qunsuliyada Soomaalida ee Magaalada Cadan ayaa sheegay in Markabkan uu ku degay Xeebaha Dalka Yemen, isla markaana ay ku dhamaadeen 10-kii Kun ee Xoolaha ahaa, inkastoo laga badbaadiyay Shaqaalihii saarnaa Markabka oo isugu jiray Soomaali iyo kuwo Dalal kale u dhashay.

Mr. Xuseen waxaa uu sheegay in Markabkan uu leeyahay Nin Ciraaqi ah oo degan Dalka isku taga Imaaraadka Carabta uu gebi ahaanba degay, isla markaana ay Xoolihii saarnaa ay ku dhamaadeen, wuxuuna intaas ku daray in haatan Xeebaha Dalka Yemen, gaar ahaan Xeebta Xudeyda lagu arkayo Bakhtiga Xoolihii uu Markabka la degay, kuwaasi oo hada ay gurayaan Ciidamada ilaaliya Xeebaha Dalka Yemen iyo Hay'ado Faya-dhowrka qaabilsan.

Markabkan ayaa degay kadib markii ay cilad Farsamo gashay, dabadeedna iyadoo la sameynayo ay Mowjado xoog leh ku kaceen Bada, kuwaasi oo gudaha Markabka Biyo soo geliyay.

Ma jiro ilaa iyo hada War ka soo baxay dhinaca Dowladda Sacuudiga oo lagu sheegay sababta Markabkaas Xoolaha Soomaalida waday loogu diiday in uu Dekedaha Sacuudiga ku xirto, kadibna Xoolaha saaran uu halkaas ku dejiyo,Ganacsatada Xoolahan laheyd ayaa sheegey in ay ugu talo galeen Xoolahan in ay ka gaarsiiyaan Xajka oo hada fooda nagu soo hayo, markaasi oo Xoolah Soomaalida ay Suuq fiican yeelanayaan.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment