Jabuuti, (insidesomalia.org) - Makab laga leeyahay dalka Imaaraadka Carabta oo ku sii jeeday Dekedda dalka Jabuuti ayaa ku dagay xeebaha dalka Cumaan, waxaana ganacsiga saaran intiisa badan sheegtay shirkada ganacsiga ee Jabuuti.

Agaasimaha shirkadda ganacsiga ee Jabuuti Xirsi Axmed Kidaar oo la hadlay saxaafadda ayaa sheegay in ganacsiga markaabkaas saaran intiisa badan ay iyagu lahaayeen, ayna sugayaan waxa laga yiraahdo ganacsigooda.

Markabkan, ganacsigii uu waday iyo shaqaalihii la socday ayaa gabi ahaan la la'yahay, waxaana markabku uu dagay shalay galinkii dambe, iyadoo shirkadda markabka iska leh aysan weli wax hadal ah soo saarin.

"Inta badan ganacsiga uu waday makabka ee ku raran qaanada dhexe Reer Jabuuti ayaa lahaa, waxaana ganacsiga noo saaran ka mid ahaa: Gaadiid Basas ah iyo kuwo Cartarbiler ah" ayuu yiri Kidaar oo intaa ku daray in Markab uu ku jiray Caymis.

Mar wax laga weydiiyay in ganacsigooda laga siinayo magdho iyo in kale, ayuu sheegay inay ka sugayaan shirkadda markabka isla leh magdhawgooda halka ay ka qaadanayaan, isagoo sheegay inuusan jirin ruux Jabuutiyaan ah oo ku dhintay markabkaas.

Badda cas oo ay ka dhacayaan dabeylo aad u xoogan xilligaan xagaaga ah ayaa waxaa ku dagay muddo hal todobaad ku siman saddex doomood iyo markabkaan, waxaana tani ay cabsi weyn ku keenaysaa ganacsatada gaadiidkooda ay halkaas maraan.