Afmadoow, (insidesomalia.org)-Maamulka Degmada Afmadoow ee Gobolka Jubada Hoose ayaa soo saaray ammaro lagu mamnuucayo jarida dhirta iyo dhoofinta Ugaadha ee deegaanada hoos taga Degmadaasi.

Kulan ay yeesheen Maamulka Degmada Afmadoow ee Gobolka Jubada Hoose ayeey ka soo saareen qodob gaaraya ilaa 5 qodob oo ku wajahan deegaanada uu ka arimiyaan Maamulkaasi qodobaadasi oo ay ka mid ahaayeen in ugaadha deegaanadasi aan la qaban Karin, isla markaana aan la iib geeyn karin iyo weliba in aan la jari karin dhirta deegaanadaasi iyo qodobo kale.

Gudoomiyaha Degmada Afmadoow Cabdi Qaadir Shiikh Max’ed Qaloon ayaa waxaa uu sheegay in dhaqan galinta qodobadaasi looga baahan yahay dadka ku dhaqan Degmada Afmadoow iyo deegaanada hoos taga ee ay qodobadani ku wajahan yihiin.

Waa markii ugu horeeysay ee Maamulka Degmada Afmadoow uu soo saaro qodobo ku siman dhirta iyo ugaadha tan iyo markii la magacaabay oohada laga joogo labo bilood.