Jabuuti,(insidesomalia.org)- Dalka Jamhuuriyada Jabuuti waa Dal yar oo barwaaqo ah, wuxuuna Xuduudo laleeyahay Dalalka Soomaaliya, Itoobiya iyo Eretereya, wuxuuna dalkan gaaray horumar wanaagsan mudooyinkii ugu dambeeyey.

Dalkan wuxuu xiriir wanaagsan la leeyahay Dalalka Reer Galbeedka waxaana halkaan Jabuuti saldhigyo ku leh Ciidamado ay leeyihiin Dalalka laysku yiraahdo Gaashaanbuurto Nato ,gaar ahaan Mareykanka ,Faransiiska iyo Jarmalka.

Dalkan waxaa looga hadlaa Sadex luuqadood, kuwasoo kala ah Soomaali,Faransiis iyo Cafar.

Wadanka wuxuu xoriyada qaatey 27-kii June 1977 ,wuxuuna ka qaatey Dalka Faransiiska, ayada oo ay maalinta Jimcaha Reer Jabuuti udabaal dagego doonaan 31 guuradii ka soo wareegatey markii ay xoriyada qaateen.

Ciidamada faraha badan ee jooga Dalkan Jamhuuriyada Jabuuti ayaa waxa ay ujoogaan la dagaalanka Argagixisada Caalamiga ah ,waxaana ka sameysteen Saldhigyo Militiri oo waa weyn.

Joogitaanka Ciidamada faraha badan ee jooga Dalkan Jamhuuriyada Jabuuti ayaa waxa ay reer Jabuuti ka faa’iideen Dhaqaalo badan oo soogala, taasoo aad maanta ka daawan karto Dhaqaalaha dadka reer Jabuuti.

Cimilada Dalkan waa kuleyl xiliyada Xagaaga,inkastoo ay waqtiyadu kala duwan yihiin hadana waqtigan waa soo dhow oo hadaba lagaley xiligii kuleylaha oo dadka reer jabuutina ay inta badan caruurta iyo dadka waayeelk ahba ay xagaa baxeen.