|
Marka,(insidesomalia.org)-Goobihii Aflaanta lagu daawanayay ee ku yaalay magaalada Marka ee Gobolka Shabelaha hoose ayaa irdaha loo laabay kadib markii habeen hore weerar bam Gacmeed lagu qaaday shineemo ku taala magaaladaasi oo oo sababtay dhimasho iyo dhaawac soo gaarey dadkii daawanayey shaneemadaasi.
Warara laga helayo Magaalada Marka ayaa sheegaya in dhimashada ay gaartey 6 Ruux haka dhaawacana uu gaarayo 13 Ruux oo qaar kood ay halis yihiin.
Waxaa guud ahaa irdaha loo laabay in ka badan 15 shineemo oo ku taalay Magaalada Marka ee Gobolka Shabelaha Hoose kuwaasi oo illaa shalay la arkayay iyadoo milkiilayaasha shineemooyinkasi ay ka raranayaa alaabadooda.
Qaar ka mid ah milkiilayaasha gobahaasi shaneemooyinka oo Warbaahinta u waramayay ayaa sheegay in guud ahaan go’aan ku gaareen in ay ka tanaasulaan howlaha shineemooyinka ee ay ku hayeen Maagaalada Marka.
Arintani ayaa waxaa si weeyn u soo dhaweeyay waalidiinta iyo qeeybaha kala duwan ee ku dhaqan Magaalada Marka, kuwaasi oo sheegay in dhibaatada ay ku qabeen ay aheyd marka ay caruurtooda u diraan goobaha wax barashada ay ku leexan jireen goobaha Aflaanta lagu daawado.
Xirnaanshiyaha shineemooyinkani ayaa ka dan beeysay kadib markii habeen hore qarax xooga lala eegtay shineemo ku taalay Magaalad Marka taasi oo ilaa iyo hada uu isa soo tarayaa qasaarihii ka dhashay qaraxasi.
 |
Subscribe to this comment's feed