Muqdisho,(insidesomalia.org)-Darawalada ka shaqeeya inta u dhaxeysa Isgooyska Fagax iyo Bakaaraha ee Magaalada Muqdisho ayaa ka cabanaya dhibaatooyin ay kala kulmaan  Kooxo ku libisan dareesyska Ciidamada Dowladda Federaalka KMG ah ee Soomaaliya.

Qaar ka mid ah darawalada Gaadidka Blka ah ee ka dhex shaqeeya inta u dhexeeysa isgooyska Fagax iyo Suuqa Bakaaraha ayaa sheegay in saaka waabarigii hore ay kooxo ku libisan dareeyska Ciidamada Dowladda baarasho iyo dhac ugu geeysteen rakaabka gaarigaasi saarnaa xili ay marayeen halka loo yaqaan Jiiro garoob oo ka tirsan Degmada Yaaqshiid ee Gobolka Banaadir.

Mid ka mid ah darawadlada gaadiidkaasi oo ka gaabsaday in magaciisa in la shaaciyo ayaa waxaa uu sheegay in kooxahasi ay jir dil iyo baarasho ugu geeysteen dadka rakaabka ah xili gaariga uu marayay halka loo yaqaan Jiiro Garoob ee degmada Yaaqshiid kadibna ay iska soo daayeen markii ay ka qaateen wax ay dadkaasi wateen.

Ma’ahan markii ugu horeeysay ee shacabka ku nool Magaalada Muqdisho ay qeeylo dhaan la xiriirta dadka ku libisan dareeyska Ciidmada oo dhac u geeysta ay ka soo yeerto waxaana marar hore shacabka ka soo yeerayay qeylo dhaan sidan oo kale ah waloow masuuliyiinta Ciidmada ay meel isaga riixaan cabashada shacabka, taasi oo ay ku tilmaaman in ay tahay waxba kama jiraan, isla markaana meel looga dhacay Sumcada Ciidamada Qalabka sida.