Moqdishu,(insidesomalia.org)- Ganacsiga guud ee Suuqa weyn ee Bakaaraha ayaa caadi ah, iyadoo ay furan yihiin inta badan Ganacsiga Suuqaas,hadana waxaa Ciidamo Booliis ah oo ka tirsan kuwa Dowladda lasoo dhigey Isgoysyada Howlwadaag iyo kan Aadan Cadde oo Suuqa laga galo.

Gaadiidka dadweynaha ayaa waxay bilaabeen saaka in ay dadka gaarsiiyaan Suuqa Bakaaraha, iyagoo isticmaalaya waddooyinkii ay horay u isticmaali jireen oo xaafadaha dhaxdooda haa, waxaana taasi ay timid, kaddib markii Ciidamada Booliiska Dowladda ay dib ugu soo laabteen waddooyinka ku dhow Bakaaraha.

Sidoo kale, isgoyska Bakaaraha ayay saaka dadku si caadi ah u isticmaalayeen, iyadoo gaadiidka daweynuhuna uu imaanayay meel ku dhow Isgoyskaas, waxayna sheegeen in ay ku sugan yihiin Isgoyska bakaaraha Ciidamo Booliis ah, balse aan dadka ka celinayn in ay galaan suuqa.

Ciidamada Booliiska ah ee la keenay Isgoysyada ku dhow Bakaaraha ayaa waxay rasaas ku furayeen waddooyinka, iyadoo uu ku dhaawacmay rasaastaas qof rayid ah oo ku sugnaa agagaarka Shirkadaha waaweyn ee Isgaartiisan, mana jirto cid dagaal kula jirta Ciidamadaasi ku sugan Isgoysyada.

Dadka dukaameysiga u imaanaya Suuqa Bakaaraha ayaa waxay kasoo galayaan intooda badan wadada 30-ka oo furan, taas oo dhawaan ayka guureen Ciidamada Itoobiya iyo kuwo Soomaali ah oo ku sugnaa halkaas Muddooyinkan danbe.

Taliska Booliiska dowlada federaalka KMG ah ee soomaaliya oo ka hadlay ku soo laabashada Ciidamadooda ee Isgoysyada ku dhow Suuqa Bakaaraha ayaa wuu sheegey in taasi timid, kaddib markii ay Dadweynaha ay sameeyeen isku soo baxyo ka dhan ah Ciidamada Dowladda ee joogey Isgosyada.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment