Muqdisho,(insidesomalia.org) - Ganacsatada ku dhaqan Suuqa Bakaaraha ayaa bilaabay sameynta Ciidamo u gaar ah suuqa, kuwaasoo sugi doona ammaanka Suuqaas oo mushkilad adag ka taagan tahay.

Midowga Ganacsatada Gobolka banaadir oo dhowaan kulamo gooni gooni ah ka yeeshay arrimaha Suuqa Bakaaraha ayaa isku afgartay in Suuqa laga fogeeyo dhibaatoyinka soo noq noqday, isla markaana Ciidamo gaaraya 200 oo ammaanka Suga la sameeyo.

Inkasta oo Ganacsiga Suuqa yahay mid furan ayaa dhaq dhaqaaqyada ay wadaan Ganacsatadu lagu sheegay in ay tahay tallaabo horay loo qaaday oo amaanka suuqaasi waxtar uleh.

Kulamadii dhowaan ay la qaateen Ganacsatada Gudiga Ammaanka Qaranka ayaa noqday kuwo horumar laga gaaray, waxaana Ganacsatada loo madax banaaneeyay xasilinta Suuqa Bakaaraha.

Ganacsatada Suuqa ka howl gala ayaa waxay sheegeen in muhiimad weyn ay u tahay in ilaalo gaar ah loo sameeyo Suuqa, si ammaanka iyo xasiloonida u sugaan.

Ciidamada Suuqa loo sameynayo ayaa waxay yihiin kuwo aan hoos imaan doonin Ciidamada Dowladda, waxaana Ciidamadaasi yihiin kuwo Ganacsatada ay si toos u Maamulaan.

Suuqa Bakaaraha ayaa maalmihii u dambeeyay ahaa meel ay qalalaaso ka taagantahay oo aan cidna isku aamineynin, waxaana suuqa ka taagnaa dagaalo iyo dilal qorsheysan oo aan la ogeyn cida kadanbeeysa.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment