Burtinle (insidesomalia.org)- Waxaa xalay tuulada Xarfo oo u dhaxeysa Bacaad weyn iyo Burtinle ku geeriyooday Xildhibaan ka tirsan Dowladda Federaalka KMG ah ee Soomaaliya oo lagu magacaabo Maxamed Cali Shiriye, kaasoo mudooyinkan ku xanuunsanaa Magaalada Garoowe ee Caasimada Maamil Goboleedka Puntland.
Ka hor inta uusan geeriyoon Xildhibaankan ayaa waxaa shalay galab loo ambabixiyay Magaalada Gaalkacyo oo la doonayey in maanta diyaarad laga saaro, si loogu soo daweeyo Magaalada Nairobi ee dalka Kenya, balse inta uusan gaarin Magaalada Gaalkacyo uu u geeriyooday xanuun mudooyinkan danbe hayey Marxuumka.
Allaha u naxariistee Maxamed Cali Shiriye ayaa Isbitaalka Magaalada Garoowe waxaa uu jiifay mudo maalmo ah, iyadoo nabar lugtiisa soo gaaray uu keenay in la gooyo mid ka mid ah lugihiisa. waxaana Xildhibaanka uu qabay cudurka Macaanka.
Marxuumka ayaa waxaa uu ifka kaga tegay Caruur fara badan oo dibada ku nool iyo xaas, waxaana maanta lagu wadaa in lagu aaso Magaalada Gaalkacyo ee Gobolka Mudug.
News in Somali 
![Alicia Keys - Superwoman [Live in Madrid]](http://i.ytimg.com/vi/zv58O2mqWS0/default.jpg "Alicia Keys - Superwoman [Live in Madrid]")
Subscribe to this comment's feed