China,(insidesomalia.org)- Diin Diin labo Madax leh oo culeyskiisu uu yahay 17gram ayaa ku dhashay Gobol la yiraahdo Anhui oo ka tirsan Dalkaasi China,waxaana warka ay sheegayaan in saynisyahanada dalkaasi China ay Diin-kani yar ka iibsadeen nin beeraleey ah oo helay Diinkaasi meel ku dhaw beertiisa, Waxayna sheegeen inay xanaaneyn doonaan Diinkan mucjisada ah.

Dhanka kale, nin u hadlay quburadan saynisyahanada ah oo magaciisa la yiraahdo Jimmy Hu ayaa sheegay in waxyaabaha ay diinkani ku arkeen ay tahay in koriimadiisu ay saa'id tahay, isla markaana si aad ah wax u cunayo xilli walba, Wuxuuna ugu dambeyntii tilmaamay in xaaladda caafimaad ee Diinku aad u wanaagsantahay.

Hadaba, arrintaan ayaa waxay ka mid tahay mucjisooyinka adduunka lagu arkayo maalinba maalinta ka dambeysa, taasoo ladoonayo in ay ku ibro qaataan Baniaadamnka.